ძვირფასო მხარდამჭერო, გაიგეთ, როგორ დაიხარჯა თქვენი თანხა, რომელ სოფლებში ვიყავით და რამდენ მოსწავლეს გადავეცით კომპიუტერი და ჩავურთეთ ინტერნეტი ივლისში.

გამარჯობა,  მადლობა თანადგომისთვის. ივლისში თქვენი დახმარებით კიდევ 32 უფროსკლასელი შემოუერთდა ჩვენს პროექტს! მათ ლეჩხუმისა და ქვემო სვანეთის სოფლებში ვესტუმრეთ, კერძოდ, ოყურეშში, ჟახუნდერსა და რცხმელურში. გასულ თვეს გალელ მოსწავლეებთანაც მოვასწარით შეხვედრა, რომლებიც საქართველოს ოკუპირებულ ტერიტორიაზე ცხოვრობენ. ამ უფროსკლასელებს უკვე სრული წვდომა აქვთ ინტერნეტზე, სასწავლო რესურსებსა და ჩვენი გუნდის ტექნიკურ-საგანმანათლებლო მხარდაჭერაზე.   აი ასეთი შედეგი გვაქვს ამ მომენტისთვის: გაიგეთ, ზუსტად რაში დაიხარჯა თქვენი შემოწირულობა: 💸 გამჭვირვალობის ანგარიში 🧾 ბრუნვის საბანკო ამონაწერი გაიცანით ახალი მოსწავლეები ლენტეხიდან, ცაგერიდან და გალიდან:  📷 ივლისის ყველა ფოტო საქართველოს ბუნება ყოველი მოგზაურობისას გვაოცებს. მთები და სიმწვანეში ჩაფლული სოფლების ამჯერად ცაგერსა და ლენტეხში აღვბეჭდეთ. როგორ იცვლება მოსწავლეების ცხოვრება, მათივე სიტყვებით:  ლუკა ამბროლაურიდან, 17 წლის „ციფრულ სამყაროში ვცხოვრობთ, ამიტომ ტექნოლოგიებით ყველაფრის გაკეთებაა შესაძლებელი. მაინტერესებს ეს დარგი რამდენად განვითარდება, ამიტომ კომპიუტერული მეცნიერების სფეროში ვხედავ თავს. ლეპტოპი ძალიან მეხმარება, ნებისმიერ დროს შემიძლია მოვიძიო ინფორმაცია. ადრე კვირაში ორი ან სამი დღე თუ დავუთმობდი პროგრამირების სწავლას, მაგრამ ახლა ყოველდღე ვახერხებ.“  სვანეთში, ლეჩხუმსა და აჭარაში კიდევ 90-მდე უფროსკლასელი გველოდება, რომელსაც სჭირდება ინტერნეტი და კომპიუტერი.  გამოგვყევით, რომ ნახოთ თუ როგორია ჩვენი სამუშაო პროცესი! საავტორო უფლებები © 2024 Charte.ge, ყველა უფლება დაცულია. თქვენ მიიღეთ აღნიშნული წერილი, ვინაიდან დარეგისტრირდით ჩვენს ვებსაიტზე. დაგვიკავშირდით: Charte.ge სანდრო ეული 7 თბილისი 0186 Georgia Add us to your address book თუ გსურთ, შეცვალოთ მსგავსი შეტყობინებების მიღების ფორმა, თქვენ შეგიძლიათ შეცვალოთ პარამეტრები ან გააუქმოთ გამოწერა.