,,ჩართეს" მონაწილეებთან ჩვენი ურთიერთობა ლეპტოპის გადაცემითა და ინტერნეტის ჩართვით არ მთავრდება! ჩვენი გუნდი თავდაუზოგავად შრომობს იმისთვის, რომ მოსწავლეებმა შეძლონ ინტერნეტის გამოყენება განათლების მისაღებად.

• მოსწავლეებს ვუწევთ ონლაინ მენტორობას: ვუგზავნით გზამკვლევს, ვუზიარებთ სხვადასხვა საგანმანათლებლო რესურსებს, ვპასუხობთ შეკითხვებზე, ვაძლევთ რჩევებს და ვეხმარებით განათლების მიღებასა და თვითგანვითარებაში.
• ჩვენი პარტნიორი აკადემიები (მაგალითად, Smart Academy და One Academy) მოსწავლეებს სხვადასხვა კურსს სრულიად უფასოდ სთავაზობენ, რაც მათ ახალი უნარების ათვისებასა და დასაქმებაში ეხმარება.
• პლატფორმები FoxPrep.ai და Coding.ge ჩვენი პროექტის მონაწილეებს ასევე უფასოდ აძლევენ წვდომას თავიანთ სასწავლო რესურსებზე. 
• კორპორატიული პარტნიორების დახმარებით, გალში მცხოვრები ახალგაზრდები ჩამოგვყავს თბილისში - შემეცნებით ბანაკში. 4-დღიანი პროგრამა, მოიცავს პროფესიული ორიენტაციის, კარიერის დაგეგმვის, მედიაწიგნიერების, ფინანსური განათლების, ადამიანის უფლებების და თავისუფალი და კრიტიკული აზროვნების ტრენინგებს, ვორქშოფებს, ასევე კულტურულ აქტივობებს.

თვისობრივი და რაოდენობრივი კვლევის მეთოდების დახმარებით ჩვენ მუდმივად ვზომავთ ჩვენი პროექტის გავლენას მოსწავლეების ცხოვრებაზე. დროში განმეორებადი კვლევის წინასწარი შედეგების მიხედვით ჩართვიდან 1 წელში მოსწავლეთა მეხუთედზე მეტი აუმჯობესებს სასკოლო ნიშნებს; 85% აუმჯობესებს კომპიუტერულ უნარ-ჩვევებს; 35% თავს უფრო ბედნიერად გრძნობს; 39% აუმჯობესებს ქულას თვითშეფასების სკალაზე; 40% უფრო ხშირად იყენებს ინტერნეტს ინფორმაციის მოსაძიებლად და ა.შ.

კვლევის მიხედვით, ტრენინგზე დასწრებიდან 2 თვეში მოსწავლეთა 88% აფასებს ინფორმაციის ნამდვილობას ონლაინ; 80% იყენებს ნახსენებ ონლაინ სასწავლო რესურსებს და 72% ადგენს საკუთარ ბიუჯეტს.