თინათინს სურს კომპიუტერი და ინტერნეტი ინფორმაციის მოსაძიებლად გამოიყენოს. თავისუფალ დროს მისი საყვარელი საქმიანობა ქარგვაა.
ივანე მომავალი რობოტექნიკოსია. მისი ჰობია ტექნიკის დაშლა და აწყობა. კომპიუტერისა და ინტერნეტის ქონა უცხო ენის შესასწავლად და სოციალური ურთიერთობებისთვის სჭირდება.
ლიკა მომავალი კულინარია. სასკოლო საგნებიდან ყველაზე მეტად ბიოლოგია უყვარს. ფიქრობს, რომ ინტერნეტს გამოიყენებს სოციალური ურთიერთობებისთვის.
საბა ყველაზე კარგად ქიმიას და რუსულ ენას სწავლობს. აპირებს პროფესიულ სასწავლებელში ჩააბაროს და კულინარი გამოვიდეს. მისი თქმით, ყველაზე მეტად კერძების მომზადება უყვარს.
ედიკს არ აქვს გადაწყვეტილი, რომელ პროფესიას დაეუფლება, ამჟამად ყველაზე მეტად მათემატიკა და ფეხბურთი უყვარს. ამბობს, რომ ინტერნეტს ძირითადად ინფორმაციის მოსაძიებლად გამოიყენებს.
როსტომის საყვარელი საგანი სკოლაში ისტორიაა, თუმცა ჯერ არ მოუფიქრებია მომავალში რომელ პროფესიას აირჩევს. „ინტერნეტს გამოვიყენებდი მეტი ინფორმაციის მოსაძიებლად“. თავისუფალ დროს უყვარს წიგნების კითხვა და ვარჯიში.
ზაქროს საყვარელი საგანი სკოლაში ისტორიაა. ჯერ არ აქვს მოფიქრებული მომავალში სწავლას რა მიმართულებით გააგრძელებს. თავისუფალ დროს უყვარს წიგნების კითხვა.
ელიკოს საყვარელი საგანი სკოლაში ინგლისური ენაა. ჯერ არ აქვს მოფიქრებული სწავლას რა მიმართულებით გააგრძელებს, თუმცა თავისუფალ დროს ძირითადად დაკავებულია ხატვით.
ანა-მარიას საყვარელი საგანი სკოლაში ქართული ენა და ლიტერატურაა. ჯერ არ აქვს მოფიქრებული სწავლას რომელ უნივერსიტეტში გააგრძელებს, თუმცა სურს, ჟურნალისტი გამოვიდეს. თავისუფალ დროს ძირითადად წიგნებს კითხულობს.
მარის საყვარელი საგნები სკოლაში ქართული და ისტორიაა. მომავალში სურს, რომ ექიმი ან მხატვარი გამოვიდეს. „ ინტერნეტის საშუალებით მოვიძიებ ინფორმაციებს სასკოლო დავალებებისთვის“. თავისუფალ დროს უყვარს ხატვა.
გოჩას საყვარელი საგანი სკოლაში ქიმიაა. მომავალში არ აქვს მოფიქრებული რა პროფესიას აირჩევს, თუმცა დაინტერესებულია სოფლის მეურნეობით. „ინტერნეტს გამოვიყენებდი მეტი ინფორმაციის მოსაძიებლად“.
კახაბერის საყვარელი საგნები სკოლაში ქიმია და ფიზიკაა. მომავალში სურს, რომ მეზღვაური გამოვიდეს. „ინტერნეტს გამოვიყენებდი უკეთ სასწავლად“. დაინტერესებულია ასევე სოფლის მეურნეობით.