მოსწავლეები

ელოდება
გიორგი (17)

გიორგის სურს, წარმატებული პროფესიული ფეხბურთლი გამოვიდეს! „მიყვარს ჰუმანიტარული საგნები, ასევე უცხო ენები, რადგან მინდა, ვფლობდე მეტ უცხო ენას.“ აპირებს, უნივერსიტეტში ჩააბაროს და ფიქრობს, რომ განათლების მიღებაში ინტერნეტიც ძალიან გამოადგება.

ელოდება
ვლადიმერი (17)

ვლადიმერს იურისტობა აქვს გადაწყვეტილი. „ბევრს ვვარჯიშობ - მინდა, წარმატებას მივაღწიო და ჯანსაღი ცხოვრების წესით ვიცხოვრო,“ - გვიყვება ვლადიმერი. სკოლაში ძალიან უყვარს ისტორია, ქართული და ინგლისური.

ელოდება
ერეკლე (18)

ერეკლეს ისტორიკოსობა გადაუწყვეტია! სკოლაში განსაკუთრებული სიამოვნებით ისტორიას, ინგლისურსა და ქართულს სწავლობს, ქიმია კი ყველაზე ნაკლებად მოსწონს. როგორც გვითხრა, მისდევს ჯანსაღი ცხოვრების წესს და ბევრს ვარჯიშობს.

ელოდება
მანანა (17)

მანანა გატაცებულია ქართულითა და ისტორიით. ახალი კომპიუტერი და ინტერნეტი ძალიან უხარია: „მექნება წვდომა სკოლის ახლანდელ პროგრამებთან; ასევე მექნება შესაძლებლობა, ვისწავლო სხვადასხვა საგნები და უცხო ენები.“

ელოდება
ნინო (18)

ნინოს გადაწყვეტილი აქვს, იურისტი გამოვიდეს. სკოლაშიც ყველაზე დიდი სიამოვნებით ჰუმანიტარულ საგნებს სწავლობს. ფიქრობს, რომ უმაღლესი განათლების მისაღებად გორში ჩააბარებს. „ჩემი დროის უმეტეს ნაწილს სწავლას ვუთმობ, რათა მომავალში ვიყო წარმატებული.“

ელოდება
თამარი (17)

თამარს სურს მასწავლებელი გახდეს და გადაწყვეტილი აქვს, გორის უნივერსიტეტში ჩააბაროს. სკოლის საგნებიდან ყველაზე მეტად მათემატიკა უყვარს, თავისუფალ დროს კი კითხვა იტაცებს.

ელოდება
ნათია (17)

ნათია იურისტობას გეგმავს და სურს, წარმატებული იყოს თავის საქმეში. ჯერ ვერ გადაუწყვეტია რომელ უნივერსიტეტს მინიჭებს უპირატესობას, თუმცა იცის, რომ საკუთარი მსოფლმხედველობა აუცილებლად უფრო მეტად უნდა განავითაროს. თავისუფალ დროს უყვარს კითხვა და ცეკვა.

ელოდება
ნინო (16)

ნინოს ძალიან უყვარს წიგნების კითხვა და სხვადასხვა პროექტებში ჩართვა. როგორც ამბობს ინტერნეტს დავალებების შესასრულებლად გამოიყენებს.

ელოდება
მარიამი (16)

მარიამს სურს, იურისტი გამოვიდეს. თავისუფალ დროს ძალიან უყვარს დეტექტიური ჟანრის წიგნების კითხვა. ფიქრობს, რომ ინტერნეტს სხვადასხვა სფეროში მეტი ინფორმაციის მისაღებად გამოიყენებს.

ელოდება
ანა (17)

ანას სურს, მასწავლებელი გახდეს. როგორც გვიყვება, ძალიან უყვარს კითხვა, განსაკუთრებით კი ისტორიული ნაწარმოებების. ფიქრობს, რომ ეს მის მომავალ პროფესიას გამოადგება.

ელოდება
მარიამი (16)

„ვაპირებ ეროვნული თავდაცვის აკადემიაში ჩაბარებას მენეჯმენტის ფაკულტეტზე ან სამხედრო ინჟინერიაზე, რადგან ძალიან ახლოს არის ჩემთან სამხედრო სფერო და ძალიან დიდი სურვილი მაქვს, მთელი ცხოვრება ვემსახურო ამ საქმეს და ჩემს ქვეყანას,” - გვიყვება მარიამი. სურს, კარიერის დასაწყისშივე წარმატებული ლეიტენანტი იყოს. თავისუფალ დროს აქტიურად ატარებს. როგორც მოგვიყვა, უყვას კითხვა, მოთხრობების წერა, ვარჯიში და მათემატიკური ტესტების კეთება.

ელოდება
თათია (15)

თათიას სურს, მომავალში ადვოკატი გამოვიდეს. თავისუფალ დროს კითხვა და ფილმების ყურება უყვარს. ფიქრობს, რომ ინტერნეტს ინფორმაციის მოსაძიებლად გამოიყენებს.

1 2