ჩართე

მიეცი წვდომა ინტერნეტთან სოციალურად დაუცველ უფროსკლასელებს.

მე ჩავრთავ

ინტერნეტმა შექმნა განათლების მიღების უსაზღვრო შესაძლებლობა. საქართველოში 78 000-მდე მოსწავლე ცხოვრობს სოციალურად დაუცველ ოჯახში, რომელსაც არ აქვს წვდომა ინტერნეტთან. დღეს ინტერნეტზე ხელმისაწვდომობა ყველა ადამიანის ძირითადი უფლებაა.

 

პროექტი “ჩართე” გაძლევთ საშუალებას, დაუფინანსოთ ინტერნეტის ყოველთვიური გადასახადი ან კომპიუტერი თითოეულ მათგანს.

 

 

რატომ ინტერნეტი?

როგორ დავეხმარო

1. აირჩიე თანხა

აირჩიეთ სასურველი თანხა და მიუთითეთ ბარათის მონაცებები.

2. დაეხმარე ყოველთვიურად

ყოველ თვე ბანკი ავტომატურად მოხსნის მითითებულ თანხას.

3. მიიღე ანგარიშები

თქვენ მიიღებთ გამჭვირვალობის ყოველთვიურ ანგარიშს.

მე ჩავრთავ

თქვენ გახდებით 410-ე მხარდამჭერი

შედეგები

ჩართულია221მოსწავლე

დაფინანსებულია64753ლარით

ჩვენ ვართ409მხარდამჭერი

წარმატების ისტორიები

უკვე 6 თვეა, „ჩართეს“ კომპიუტერით ვსარგებლობ. მას შემდეგ ჩემი ყოველდღიურობა უკეთესობისკენ შეიცვალა. ინტერნეტის მეშვეობით ვსტუმრობ საიტებს, როგორიცაა „ნებულა“, Wikipedia და Youtube, დამოუკიდებლად ვემზადები ერთიანი ეროვნული გამოცდებისთვის და თვალს ვადევნებ კრივს (როგორც პროფესიულ მოკრივეს, ეს საკუთარი ტექნიკის გაუმჯობესებაში მეხმარება). მინდა, გავხდე რეაბილიტატორი, ინტერნეტის წყალობით კი ამ სფეროში საკუთარ ცოდნას ვიღრმავებ. ინტერნეტი — ესაა წვდომა ულევ ინფორმაციასთან, დღევანდელ სამყაროში კი ცოდნა ყველაფერია.

უკვე 7 თვეა, „ჩართეს“ კომპიუტერით ვსარგებლობ. მას შემდეგ ჩემი ყოველდღიურობა რადიკალურად შეიცვალა. ინტერნეტი საშუალებას მაძლევს, მქონდეს წვდომა ახალ ინფორმაციასთან და განვვითარდე. ქართული ვებ-საიტებიდან ძირითადად „საბასა“ და „მურწყუს“ ვიყენებ. ხშირად ვათვალიერებ უნივერსიტეტებს. ინტერნეტმა ჩემს გეგმებზეც იქონია გავლენა — ახლა ბევრად მოტივირებული ვარ სწავლის მიმართ და მინდა, პრესტიჟულ უნივერსიტეტში ვისწავლო. რაც მთავარია, ინტერნეტის წყალობით ახლა ვიცი, რომ შემიძლია, დამოუკიდებლად განვვითარდე, როგორც გონებრივად, ისე პიროვნულად.

უკვე ერთ წელიწადზე მეტია, რაც „ჩართეს“ მოცემულ ლეპტოპს ვიყენებ. ყოველ დღე სხვადასხვა საიტის მეშვეობით რაღაც ახალს ვიგებ და ვსწავლობ. ინტერნეტის გარდა, ვიყენებ გრაფიკული დიზაინის პროგრამებს, ფოტოშოპსა და ილუსტრატორს. გატაცებული ვარ ავტომობილებით, ძალიან მაინტერესებს მექანიკოსის საქმიანობა და ინტერნეტი ამ თემაზე მეტის გაგებაში მეხმარება. ყოფილა შემთხვევები, როცა სკოლაში მოცემული დავალება Google-ის დახმარებით შემისრულებია. ჩემი აზრით, ინტერნეტი ადამიანს ყველაზე მეტად განვითარებასა და თვითრეალიზებაში ეხმარება.

ჩართე პრესაში

პარტნიორები