ნოემბერი საინტერესო მოვლენებით დახუნძლული თვე გამოგვივიდა. გარდაბანში, კერძოდ, სართიჭალაში 13 მოსწავლეს ვესტუმრეთ - ლეპტოპები ჩავუტანეთ, ინტერნეტი ჩავურთეთ და სასარგებლო რესურსების გზამკვლევიც გავუზიარეთ. ამის გარდა, მთელი საქართველოდან ,,ჩართეს" 15 მონაწილე თბილისში, სპეციალურად მათთვის ორგანიზებულ ტრენინგებზე, შევკრიბეთ!
როგორც ზემოთ ვახსენეთ, რიგით მეორე ჩართეს ბანაკის ჩატარებაც მოვასწარით. სხვადასხვა წელს ჩართული მოსწავლეები თბილისში ხარაგაულიდან, ტყიბულიდან, გორიდან და მაღალმთიანი აჭარიდანაც კი ჩამოვიდნენ.
მოსწავლეები სემინარებს დაესწრნენ მედიაწიგნიერების, ინფორმაციული და ფინანსური განათლების, კარიერის დაგეგმვისა დაპროფესიული ორიენტაციის შესახებ. ტრენინგებითა და საინტერესო აქტივობებით სავსე 3 დღეზე სულ მალე უფრო დეტალურად მოგიყვებით ჩვენს Facebook და Instagram გვერდებზე.
ღონისძიებაზე მონაცემთა მეცნიერებისა და ხელოვნური ინტელექტის შესახებ მრავალფეროვანი ლექციები ჩატარდა. ყოველთვის გვიხარია იმ ადამიანებთან შეხვედრა, ვისაც ესმის თუ რა მნიშვნელობა აქვს კომპიუტერსა და ინტერნეტზე წვდომას სოციალურად დაუცველი მოსწავლეებისთვის და არა მხოლოდ.
ახლა კი ტრადიციულად ჩვენს ერთ-ერთ მოსწავლეს გაგაცნობთ:
გუგა მომავალი გემის კაპიტანია! 2020 წელს კომპიუტერი ქარელში გადავეცით, 3 წლის შემდეგ კი ბათუმში შევხვდით. გიზიარებთ ვიდეოს, რომელშიც საზღვაო აკადემიასა და თავისი ოცნების პროფესიაზე გვიყვება:
როგორ იცვლება მოსწავლეების ცხოვრება, მათივე სიტყვებით:
ლანა, ქედადან, 16 წლის
„ფილმების ყურება სულ მინდოდა, მაგრამ დრო არ მრჩებოდა გაკვეთილების გამო. ტელეფონით მირთულდებოდა, კომპიუტერით კი შემიძლია უცებ დავბეჭდო თემები და მოვამზადო პრეზენტაციები. შემდეგ კი ოჯახთან ერთად დიდ ეკრანზე ვუყურო კინოებს. სულ სხვა ელფერი აქვს.“
იმერეთსა და მცხეთა-მთიანეთში კიდევ 190-მდეუფროსკლასელი გველოდება, რომელსაც სჭირდება ინტერნეტი და კომპიუტერი.
ნოემბერში „ჩართე" 
გუგა მომავალი გემის კაპიტანია! 2020 წელს კომპიუტერი ქარელში გადავეცით, 3 წლის შემდეგ კი ბათუმში შევხვდით. გიზიარებთ ვიდეოს, რომელშიც საზღვაო აკადემიასა და თავისი ოცნების პროფესიაზე გვიყვება:
