ძვირფასო მხარდამჭერო, გაიგეთ, როგორ დაიხარჯა თქვენი თანხა, რომელ სოფლებში ვიყავით და რამდენ მოსწავლეს გადავეცით კომპიუტერი და ჩავურთეთ ინტერნეტი ოქტომბერში.

ძვირფასო მხარდამჭერო,  მადლობა, რომ ჩვენ გვერდით ხართ. თქვენი მხარდაჭერით მუშაობას კვლავ ვაგრძელებთ, ახლა კი ოქტომბრის მიღწევებზე მოგიყვებით. კიდევ 21 მოსწავლემდე მივიტანეთ კომპიუტერი და ინტერნეტიც ჩავურთეთ. თავდაპირველად მათ საჩხერის სოფლებში, კორბოულსა და სხვიტორში, ვესტუმრეთ. თვის ბოლოს კი გორისკენ გავეშურეთ – უფროსკლასელები კონფლიქტისპირა სოფლებში, კარალეთსა და დიდ გარეჯვარში, გველოდნენ. მათ უკვე აქვთ წვდომა განათლების რესურსებზე და იმედი გვაქვს, თავიანთი პოტენციალის რეალიზებასაც შეძლებენ.    აი ასეთი შედეგი გვაქვს ამ მომენტისთვის: გაიგეთ, ზუსტად რაში დაიხარჯა თქვენი შემოწირულობა: 💸 გამჭვირვალობის ანგარიში 🧾 ბრუნვის საბანკო ამონაწერი გაიცანით ახალი მოსწავლეები საჩხერიდან და გორიდან:  📷 ოქტომბრის ყველა ფოტო პატარა ვლოგიც მოვამზადეთ. ნახეთ ამბავი იმისა, თუ როგორ ავედით ზღვის დონიდან 2 200-მეტრზე ჩვენი მხარდამჭერის მანქანით და მოსწავლეები ლეპტოპებით გავახარეთ. გვინდა, უდიდესი მადლობა გადავუხადოთ ლუკას, რომ წინა თვეებში დრო გამოგვიყო და ჯერ ცაგერი და ლენტეხი, შემდეგ კი ხულოს 7 სოფელი მოგვატარა. ჩვენი ახალი მეგობარი, იქომერს ასოციაცია - საქართველო, უნდა გაგაცნოთ.    eCommerce Day Georgia 2024-ის ღონისძიებაზე გვიმასპინძლებენ! კონფერენციაზე ადგილობრივი და საერთაშორისო კომპანიების წარმომადგენლები იქომერსის სიახლეებზე, ინოვაციებზე, გამოწვევებსა და სამომავლო გეგმებზე ისაუბრებენ. ჩვენ კი საშუალება გვექნება, რომ მათ ჩვენი პროექტი გავაცნოთ, მეტი მხარდამჭერი ვიპოვოთ და შემდეგ მეტი მოსწავლე ჩავრთოთ. თქვენთან პირადად შეხვედრაც ყოველთვის გვიხარია! დიდი მადლობა ასოციაციას კუთხის უსასყიდლოდ დათმობისთვის.  ასე რომ, 29 ნოემბერს 11 საათიდან სასტუმრო შერატონ გრანდ მეტეხი პალასში შეგიძლიათ გვიპოვოთ. ღონისძიების შესახებ ინფორმაციას ამ ბმულზე ნახავთ.  ნახეთ როგორ იცვლება მოსწავლეების ცხოვრება, მათივე სიტყვებით:  ეკა შუახევიდან, 19 წლის „მინდა ვისწავლო და შეზღუდული შესაძლებლობების მქონე პირებს დავეხმარო, შეუძლებელი დავძლიოთ ერთად. ინტერნეტის წყალობით მაქვს მსოფლიო ცოდნის უმთავრესი წყარო, კომუნიკაციის, თვითგანვითარების და თვითგამოხატვის საშუალება. ვმეცადინეობ, თვალს ვადევნებ სიახლეებს და მეგობრებსაც ვიძენ. ბავშვობიდან ჩემი ყველაზე დიდი ოცნებაა, რომ ჩემს თანატოლებთან ერთად ჩემი ფეხით შევძლო გადაადგილება.“  გამოგვყევით, რომ ნახოთ ჩვენი სამუშაო პროცესი, მოსწავლეების წარმატების ისტორიები და სიახლეები! თუკი შემოწირულობის რაოდენობის ცვლილება გსურთ, პროფილში შესვლას ამ ბმულიდან შეძლებთ - https://charte.ge/ge/profile#payments  ნახეთ თქვენი პროფილი საავტორო უფლებები © 2024 Charte.ge, ყველა უფლება დაცულია. დაგვიკავშირდით: info@educaregeorgia.com