ივნისი 2025

ძვირფასო მხარდამჭერო,
მადლობა თანადგომისთვის.

ივნისში კიდევ 27 უფროსკლასელი ჩავრთეთ ბორჯომში, გორსა და გალში. მათ უკვე აქვთ საკუთარი ლეპტოპი, ინტერნეტი და შანსი, რომ აღმოაჩინონ ახალი შესაძლებლობები. მოსწავლეებს მრავალფეროვანი სასწავლო რესურსები გავუზიარეთ და იმედს ვიტოვებთ, რომ თავიანთი პოტენციალის რეალიზებას თავისუფალ და სამართლიან საქართველოში შეძლებენ.

აი ასეთი შედეგი გვაქვს ამ მომენტისთვის:

გაიგეთ, ზუსტად რაში დაიხარჯა თქვენი შემოწირულობა:

💸 გამჭვირვალობის ანგარიში

🧾 ბრუნვის საბანკო ამონაწერი

გაიცანით ივნისში ჩართული მოსწავლეები გორიდან, ბორჯომიდან და გალიდან

📷 ივნისის ყველა ფოტო

გასულ თვეს ორი ბანაკი ჩავატარეთ ჩვენი მოსწავლეებისთვის

გალიდან თბილისში 34 ახალგაზრდა გვეწვია. ტრადიციულად Fabrika Hostel-ში დავაბინავეთ, ვესაუბრეთ კარიერის დაგეგმვაზე, მედიაწიგნიერებაზე, ფინანსურ განათლებაზე, თავისუფალ და კრიტიკულ აზროვნებაზე. ბოლოს კი სულაკაურის გამომცემლობისგან წიგნები გავატანეთ საჩუქრად.

სათავგადასავლო ტურის ფარგლებში ბავშვებმა ძველი თბილისიც ,,დალაშქრეს", ასევე მონაწილეობა მიიღეს ქალთა საინფორმაციო ცენტრის მიერ ჩატარებულ ვორქშოპში ოჯახური ძალადობის შესახებ.

ივნისის ბანაკები გამორჩეული იყო, რადგან Lilo Arena-მ კარტინგზე დაგვპატიჟა - ჩვენს მოსწავლეებს შესაძლებლობა ჰქონდათ სარბოლო ტრასა კარტინგის მანქანებით გაერათ და განსაკუთრებული გამოცდილება მიეღოთ.

დიდი მადლობა ჩვენს პარტნიორებს, რომ გვეხმარებიან ბანაკები შთამბეჭდავი და დასამახსოვრებელი გამოვიდეს!

ჩვენი ახალი მეგობარი კომპანია, HT Solutions, უნდა გაგაცნოთ.
Change Inspire 2025-ის კონფერენციაზე გვიმასპინძლებენ!

ღონისძიების თემა AI ჩემპიონთა ლიგაა და სტუმრებს საშუალება ექნებათ გლობალური და რეგიონული ექსპერტებისგან მოისმინონ საინტერესო გამოსვლები და პრაქტიკული ქეისები ოთხ ძირითადად მიმართულებაზე: ციფრული ტრანსფორმაცია, BIG Data, კიბერუსაფრთხოება, IT ინფრასტრუქტურა. ჩვენთვის ეს კიდევ ერთი შესაძლებლობაა, გავაცნოთ ჩვენი ინიციატივა ტექ სფეროს ლიდერებს, მოვიძიოთ მხარდამჭერები და მეტი მოსწავლე ჩავრთოთ. დიდი მადლობა HT Solution-ის გუნდს უსასყიდლოდ დათმობილი სივრცისთვის!

ასე რომ, ხვალ, 4 ივლისს, 10 საათიდან სასტუმრო Pulman Tbilisi Axis Tower-ში შეგიძლიათ გვიპოვოთ. ღონისძიების შესახებ ინფორმაციას ამ ბმულზე ნახავთ.

ახალი ამბავი ისაა, რომ პირველად ვიწყებთ სვანეთში მოსწავლეების ჩართვას 💻🛜

უკვე 50-ზე მეტი უფროსკლასელი გველოდება – ახალგაზრდები, რომლებსაც სჭირდებათ ლეპტოპები და ინტერნეტი, რომ არ ჩამორჩნენ თანატოლებს, შეძლონ სრულფასოვანი ინფორმაციის და განათლების მიღება, განვითარება.

📅ვცდილობთ სვანეთში ჩასვლა ზაფხულში მოვასწროთ, სანამ შემოდგომა-ზამთრის უამინდობა მთიან გზებზე შეგვაფერხებს.

თუკი შემოწირულობის რაოდენობის ცვლილება გსურთ, პროფილში შესვლას ამ ბმულიდან შეძლებთ - https://charte.ge/donate

დაუფინანსე ინტერნეტი მოსწავლეს

რეგისტრაცია

პაროლის აღდგენა

ერთჯერადი ავტორიზაცია

ივნისი 2025