ძვირფასო მხარდამჭერო, ნახეთ ფოტოები, გაიგეთ რომელ სოფლებში ვიყავით და რამდენი მოსწავლე ჩავრთეთ თქვენი მხარდაჭერით დეკემბერში.
ძვირფასო მხარდამჭერო, გილოცავთ 2025 წლის დადგომას! იმედს ვიტოვებთ, რომ ეს წელი საქართველოსთვის ერთიანობის, გამარჯვებებისა და განვითარების იქნება. დიდი მადლობა, რომ კვლავ ჩვენთან ერთად ხართ.
რთული წლის ფონზე ვეცადეთ, ტემპი არ შეგვენელებინა და თქვენი დახმარებით შევძელით კიდეც — 2024 წლის განმავლობაში 398 სოციალურად დაუცველი მოსწავლე დავაკავშირეთ ინტერნეტთან, რაც შარშანდელთან შედარებით გაუმჯობესებული შედეგია. მათ უკვე აქვთ საკუთარი ლეპტოპი, წვდომა სასწავლო რესურსებთან და შანსი, რომ დასახულ მიზნებს მიაღწიონ.
გვინდა დიდი მადლობა გადავუხადოთ ჩვენს კორპორატიულ პარტნიორებს თანადგომისთვის. დეკემბერში სწორედ მათი დახმარებით შევძელით კომპიუტერების შეძენა.
ნახეთ როგორ იცვლება მოსწავლეების ცხოვრება, მათივე სიტყვებით: საბა ოზურგეთიდან, 17 წლის
„კომპიუტერმა გატაცება მაპოვნინა. სკოლის საგნების მეცადინეობის მერე კოდის წერით ვერთობი. ისტორიული წიგნების კითხვაც მიყვარს. სამომავლოდ სამართლის ფაკულტეტზე მინდა ჩავაბარო, ვებპროგრამირების სრულყოფილად შესწავლას კი დამოუკიდებლად ვაპირებ."
გამოგვყევით, რომ ნახოთ ჩვენი სამუშაო პროცესი, მოსწავლეების წარმატების ისტორიები და სიახლეები!
შეგახსენებთ, რომ თქვენი ბარათიდან ყოველი თვის 5 რიცხვში ავტომატურად მოიხსნება თქვენ მიერ მითითებული თანხა. თუ თქვენ შეცდომით მოახდინეთ რომელიმე ტრანზაქცია ან ჩამოგეჭრათ თანხა, რომელიც გსურთ, უკან დაიბრუნოთ, მოგვწერეთ.
