გუშინ ეროვნულ გამოცდებზე რეგისტრაცია დაიწყო და აბიტურიენტი ქეთი ძალიან აღელდა.  პროფესია დიდი ხანია არჩეული აქვს - მოდის დიზაინერი უნდა რომ გახდეს, თუმცა, როცა საქმე უნივერსიტეტის არჩევაზე მიდგა, ინფორმაციის მოსაძიებლად ინტერნეტს მიაკითხა და ახლა მრავალი ვარიანტიდან ერთ-ერთის ამორჩევას შეუდგა. 

ყველაზე კარგად ხატვა გამოსდის. სამხატვრო სკოლაში უკვე 6 წელია დადის და წლის ბოლოს გამოფენაც ექნება. 2 ტილო უკვე მზად აქვს, ახლა კი 3 უზარმაზარ ნახატზე მუშაობს!

ქეთი სამხრეთ კორეული მუსიკის, ფილმებისა და სერიალების ნამდვილი ფანია. 🗣️ ენის შესწავლაც კი დაიწყო ონლაინ. პირველ რიგში დათვლა, მერე კი წინადადებების აწყობა ისწავლა. სამწუხაროდ, სირთულის გამო, დროებით თავი დაანებება მოუწია, თუმცა გვპირდება, რომ აუცილებლად დაუბრუნდება. ძნელია არ დავუჯეროთ, მასთან საუბარმა დაგვარწმუნა, როგორი ინტერესიანი და შრომისმოყვარეა!