ზურას ექიმობა სურს! გასაკვირიც არ არის, რომ სკოლაში ყველაზე მეტად ქიმია და ბიოლოგია უყვარს. ამის გარდა, ქართულსა და ინგლისურსაც ინტერესით სწავლობს. თავისუფალ დროს კითვას უთმობს. “მჭირდება, რათა მასწავლებლებს ჩავერთო ონლაინ რეჟიმში და ასევე მოვიძიო საინტერესო ინფორმაცია, რომელიც სწავლაში დამეხმარება.” - გვიყვება ზურა.
ლუკას უნივერსიტეტში ჩაბარება ძალიან უნდა, თუმცა პროფესია ჯერ არ აურჩევია. სკოლის საგნებიდან ყველაზე მეტად ისტორია და მათემატიკა უყვარს. გვიყვება, რომ ინტერნეტსა და კომპიუტერს ინფორმაციის მოძიებისთვისა და ონლაინ გაკვეთილებზე დასასწრებად გამოიყენებს.
“ლეპტოპის მიღება ჩემთვის, აბიტურიენტისთვის, სასურველია, რადგან ეს შემიმსუბუქებს ამა თუ იმ მასალის მოძიების სირთულეს. უნივერსიტეტში სწავლის დროს კი მრავალი პრეზენტაცია თუ სამუშაო იქნება შესასრულებელი, მობილურით ეს რთულია.” - გვიყვება მარიამი. სურს ივანე ჯავახიშვილის სახელობის თბილისის სახელმწიფო უნივერსიტეტში ჩააბაროს, თუმცა სპეციალობა ჯერ არ აურჩევია. თავისუფალ დროს წიგნების კითხვას უთმობს, ეს მისი თქმით საუკეთესო მედიტაციაა, სიახლეებითა და თავგადასავლებით სავსე.
როდესაც გაგას ვკითხეთ, თუ რისი გაკეთება უყვარდა ყველაზე მეტად, ერთი სიტყვით გვიპასუხა - “სიკეთის”. სამომავლო პროფესია ჯერ არ აურჩევია, თუმცა გვიყვება, რომ სკოლაში მხოლოდ ინგლისურის სწავლა უყვარს და გამოსდის.
დემურს სკოლაში ყველაზე მეტად ქართულისა და ქიმიის გაკვეთილები მოსწონს. ლეპტოპსა და ინტერნეტს სოციალური ქსელისა და სხვადასხვა ინფორმაციის მოძიებისთვის გამოიყენებს.
“მცირე შესაძლებლობის ძალა უსაზღვროა და მეც ეს მცირე შესაძლებლობა მჭირდება. კომპიუტერული თამაშებით ან იუთუბზე უაზრო ვიდეობის ყურებით არასდროს ვყოფლივარ დაინტერესებული. მინდა ყველა შესაძლებლობა მაქსიმალურად გამოვიყენო და კომპიუტერსაც მხოლოდ ცოდნის მისაღებად გამოვიყენებ. “ - გვიყვება საბა, რომელსაც პოლიტიკოსობა გადაუწყვიტავს! თავისუფალ დროს წიგნებს კითხულობს და ანალიტიკურ გადაცემებს უყურებს.
გიორგი მომავალი კულინარია, კერძების მომზადება მუდამ სიამოვნებას ანიჭებს! სკოლაში განსაკუთრებული ინტერესით ბიოლოგიას სწავლობს, თუმცა ქიმია არ უყვარს. გვარწმუნებს, რომ ახალ ლეპტოპს სწავლისთვის გამოიყენებს.
“მიყვარს ტექნოლოგიები, ისტორია, სკოლაში არცერთი საგანი არ არის, რომელიც არ მიყვარს, ვთვლი რომ საჭიროა ადამიანს ჰქონდეს ზოგადი განათლება.”- გვიყვება საბა. მას IT სპეციალისტობა სურს. წელს აბიტურიენტია, თუმცა უნივერსიტეტში ჩაბარებას ჯერ არ აპირებს. თავისუფალ დროს კომპიუტერულ პროგრამებს თავისით სწავლობს. კომპიუტერი ინტერესების გაღრმავებაში დაეხმარება!
გიორგის უნივერსიტეტში ჩაბარება სურს, თუმცა პროფესია ჯერ არ აურჩევია. გვიყვება, რომ სკოლის საგნებიდან ყველა მოსწონს, სახლის საქმეებსა და შრომას კი არაფერი ურჩევნია. ახალ ლეპტოპს დამატებითი ინფორმაციის მიღებისთვის გამოიყენებს.
გვანცას გამომძიებლობა გადაუწყვიტავს! თავისუფალ დროსაც სულ დეტექიურ წიგნებს კითხულობს, რადგან როგორც გვიყვება”ახლის ძიება მისი გატაცებაა”. ჩაბარება თბილისის სახელმწიფო უნივერსიტეტში სურს, რადგან ბევრი სმენია იქაურ კარგ ლექტორებსა და გაცვლით პროგრამებზე. სჯერა, რომ ლეპტოპს ნაყოფიერად გამოიყენებს.
გუგას საყვარელი საგანი სკოლაში ისტორიაა. ჯერ არ გადაუწყვეტია რა პროფესიას სურს დაეუფლოს. თავისუფალ დროს წიგნების კითხვა უყვარს. კომპიუტერს ონლაინ-გაკვეთილებზე უპრობლემოდ დასასწრებად გამოიყენებს.
“ვფიქრობ, რომ კომპიუტერი სწავლაში ძალიან დამეხარება, გავაკეთებ უფრო მეტ პროექტს და გავაუმჯობესებ ჩემი სწავლის დონეს “ - გვიყვება ლიკა. თავისუფალ დროს წიგნების კითხვა და საინტერესო ინფორმაციის გაგება უყვარს. მისი ძმა ლაშა კი ფეხბურთითაა გატაცებული. მათ პროფესია ჯერ არ აურჩევიათ, თუმცა ახალი ლეპტოპი და ინტერნეტი თვალსაწიერის გაფართოებაში დაეხმარება და იქნებ მომავლის დაგეგმვაშიც გამოიყენონ!