ამ წერილში მარტის მიღწევების შესახებ მოგიყვებით. ვაგრძელებთ ხარაგაულის სოფლებში მუშაობას და გასულ თვეს 37 მოსწავლემდე მოვახერხეთ კომპიუტერისა და ინტერნეტის მიტანა.
მარტში ჩვენი გუნდის დიდიხნის ოცნებაც ავიხდინეთ და ჩვენი მოსწავლეები ერთ სივრცეში შევკრიბეთ.
„ჩართე“ 5 წელზე მეტია არსებობს და ამ წლების მანძილზე ყოველთვის გვქონდა დიდი ოცნება - ჩვენი პროექტის მონაწილეები ერთად შეგვეკრიბა და უკვე გაზრდილ მოსწავლეებს გავსაუბრებოდით. მარტში ეს ოცნებაც ავიხდინეთ.
ჩვენი გუნდის წევრი ნინი გაგაცნობთ „ჩართეს“ აწ უკვე სტუდენტებს, ერთად გავიგებთ, რაში ეხმარებათ ინტერნეტი და თიბისი კონცეპტში ჩატარებულ შეხვედრასაც შევაჯამებთ.
ტრადიციულად, უკვე ჩართულ მოსწავლეზეც უნდა მოგიყვეთ - დღეს 18 წლის ნინოს გაგაცნობთ, რომელსაც ერთდროულად შეფმზარეულობაც სურს და ვიზაჟისტობაც!
ნინო ქარელის სოფელ დირბში ცხოვრობს - „თბილ და მხიარულ გარემოში“. მისი მთავარი ინტერესი ამ ეტაპზე Makeup Art-ია. 🪞 როგორც გვიამბობს, ინტერნეტში სხვადასხვა ვიზაჟისტის ვიდეოებს უყურებს, შემდეგ კი თავის დაზე „ექსპერიმენტებს“ ატარებს! გარდა ამისა, თავისუფალ დროს მუსიკას უსმენს, წიგნებს კითხულობს და ქარგავს კიდეც.
ნინოს მეორე გატაცება კულინარიაა, სახლში მთავარი შეფ-მზარეულია და ოჯახის წევრებს ახალ-ახალი უგემრიელესი კერძებით ანებივრებს. მისი ფანტაზია უსაზღვროა! თანაც, სხვადასხვა საიტზე იმდენი რეცეპტია ხელმისაწვდომი, ნინოს უხარია, რომ იდეები არასდროს გამოელევა. ინტერნეტსა და კომპიუტერს ხედავს, როგორც განვითარებისთვის შესაძლებლობების წყაროს.
როგორ იცვლება მოსწავლეების ცხოვრება მათივე სიტყვებით:ნანა კასპიდან, 17 წლის.
„ ვაპირებ გავყვე სიმღერას და გავხდე მომღერალი. კომპიუტერი ინგლისური ენის უკეთ სწავლასა და სიმღერების დამუშავებაში მეხმარება - მუსიკის ტექსტებს ინტერნეტით ვნახულობ. სწავლის ხალისი დამიბრუნდა და ბევრი მნიშვნელოვანი ინფორმაცია მოვიძიე, ჯერაც რომ არ გამეგო ისეთი.“
გვინდა, მადლობა გადავუხადოთ კორპორატიულ დონორსაც, რომლმაც მარტში კომპიუტერები შეიძინა:
მაღალმთიან აჭარასა და ხარაგაულში კიდევ 160-მდეუფროსკლასელი გველოდება, რომელსაც სჭირდება ინტერნეტი და კომპიუტერი.
„ჩართე“ 5 წელზე მეტია არსებობს და ამ წლების მანძილზე ყოველთვის გვქონდა დიდი ოცნება - ჩვენი პროექტის მონაწილეები ერთად შეგვეკრიბა და უკვე გაზრდილ მოსწავლეებს გავსაუბრებოდით. მარტში ეს ოცნებაც ავიხდინეთ.
ჩვენი გუნდის წევრი ნინი გაგაცნობთ „ჩართეს“ აწ უკვე სტუდენტებს, ერთად გავიგებთ, რაში ეხმარებათ ინტერნეტი და თიბისი კონცეპტში ჩატარებულ შეხვედრასაც შევაჯამებთ.
