ინტერნეტში ცნობილი შეფ-მზარეულების ბიოგრაფიებს გაეცნო და მათ ცხოვრება შეისწავლა. სწორედ ამ გამოცდილების გაზიარებით გაიგო, რომ რთული გზა ელის, თუმცა სულაც არ შეშინდა. სჯერა, რომ თუ ადამიანს მიზანი აქვს და მის მისაღწევად ყველაფერს აკეთებს, აუცილებლად გამოუვა. თავისი მიზნისკენ ნაბიჯიც უკვე გადადგა — კოლეჯში ჩააბარა ,,კულინარიის ხელოვნების" განხრით.

კომპიუტერი ნინოსთვის ჰობების განვითარების საშუალებაც აღმოჩნდა. ბავშვობიდან ხატავს და წიგნებს კითხულობს, ინტერნეტში კი ხატვის ვიდეოგაკვეთილები და ისეთი წიგნების ელექტრონული ვერსიები იპოვა, რომელთა ნახვასაც ,,სკოლის ბიბლიოთეკაში ვერც კი იოცნებებდა".

ნინოს წარმატებებს ვუსურვებთ და იმედი გვაქვს, რომ მიზნისკენ მიმავალ გზაზე ლეპტოპი დიდხანს დარჩება მის ერთგულ მეგზურად.