სექტემბერი 2022

 
 
გამარჯობა, 

დიდი მადლობა, რომ კვლავ ჩვენს გვერდით ხართ!

სასწავლო წელი დაიწყო, ვაგრძელებთ აჭარის მაღალმთიან სოფლებში მუშაობას და სექტემბერში 39 მოსწავლეს გადავეცით კომპიუტერი და ჩავურთავთ ინტერნეტსს. ხელვაჩაურსა და ქედაში კი 100-მდე უფროსკლასელი ჯერ კიდევ გველოდება.
 
 აი, ასეთი შედეგი გვაქვს ამ მომენტისთვის:
გაიგეთ, ზუსტად რაში დაიხარჯა თქვენი შემოწირულობა:
გამჭვირვალობის ანგარიში
ბრუნვის საბანკო ამონაწერი
 
გაიცანით ახალი მოსწავლეები ქედას სოფლებიდან:
 
სექტემბრის ყველა ფოტო
 
ტრადიციულად, უკვე ჩართული მოსწავლის ისტორიასაც მოგიყვებით.

დღეს ნინიზე გიამბობთ, რომელმაც ინტერნეტით გრაფიკული დიზაინი, თურქული და ცოტა ჩინურიც კი ისწავლა! 

18 წლის ნინი ლაგოდეხში ცხოვრობს და ბავშვობიდან ექიმობაზე ოცნებობს, თუმცა მას შემდეგ, რაც კომპიუტერი აქვს, ფოტოშოპსა და ილუსტრატორს დაეუფლა, შეკვეთებიც მიიღო და ფულიც გამოიმუშავა. 

ნინი თვლის, რომ ინტერნეტის დახმარებით საკუთარი თავის უკეთესი ვერსია გახდა - მისი ინტერესები მხოლოდ მედიცინით აღარ შემოიფარგლება. ფრილანსინგზე, სამსახურის ეფექტურ მოძიებაზე, ინტერიერის დიზაინსა და ვებდიზაინზე საგას ტრენინგები გაიარა. ☪️ lingwing.com-ზე თურქული B1 დონეზე შეისწავლა და ჩინურზეც ვარჯიშობს - უკვე 20 იეროგლიფი იცის. 

წელს აბიტურიენტია და სამედიცინო უნივერსიტეტში ჩაბარებისთვის ემზადება - ქირურგობა ან პედიატრობა სურს. 🩺 მიზანდასახულია, თანაც ინტერნეტით მასალების მოძიება უადვილდება. ლეპტოპი მის პატარა ძმასაც ადგება. გვჯერა, რომ ნინი ინტერნეტსა და კომპიუტერს კიდევ ბევრჯერ გამოიყენებს სასარგებლოდ!

 
როგორ იცვლება მოსწავლეების ცხოვრება მათივე სიტყვებით: ლილი ლაგოდეხიდან, 15 წლის.
ინტერნეტი საკმაოდ მეხმარება, რადგან მისი საშუალებით მრავალფეროვან რეცეპტებს ვპოულობ. ჩემი გატაცება ხატვა და კულინარიაა. მინდა შევისწავლო სხვადასხვა საკონდიტრო ნაწარმის დამზადება. კომპიუტერში ვუყურებ თანამედროვე ფილმებსა და სერიალებს. ასევე, ვიძიებ სასკოლო მასალას და საინტერესო წიგნებს. აქამდე სასკოლო დავალებების შესრულება მიჭირდა ტელეფონში, რადგან ხშირად აპლიკაციები ჭედავდა.
მაღალმთიან აჭარაში კიდევ 100 უფროსკლასელი გველოდება, რომელსაც სჭირდება ინტერნეტი და კომპიუტერი
ანგარიშის გაზიარება ანგარიშის გაზიარება
ანგარიშის გაგზავნა ანგარიშის გაგზავნა
გამოგვყევით, რომ არ გამოტოვოთ არცერთი სიახლე! 
Facebook
Instagram

თქვენც ჩაურთეთ ინტერნეტი სოციალურად დაუცველ უფროსკლასელს:

1. შედით საიტზე https://charte.ge/donate;

2. მიუთითეთ სასურველი ყოველთვიური შემოწირულობა;

3. დაარეგისტრირეთ საბანკო ბარათი.

მზადაა! 

ჩართეთ
საავტორო უფლებები © ფონდი ექსესი. ყველა უფლება დაცულია.
დაგვიკავშირდით:
[email protected]